బీజింగ్: ప్రధానమంత్రి నరేంద్ర మోదీ చైనా పర్యటన చారిత్రాత్మకమైనదిగా నిలిచింది. టియాంజిన్లో జరిగిన షాంఘై సహకార సంస్థ (SCO) సదస్సులో ఆయన ఉగ్రవాదంపై భారతదేశం యొక్క కఠిన వైఖరిని స్పష్టం చేయడంతో పాటు, ప్రపంచ దేశాలకు తన దృక్పథాన్ని తెలియజేశారు.
ఈ పర్యటనలో రష్యా అధ్యక్షుడు వ్లాదిమిర్ పుతిన్, ప్రధాని మోదీ కోసం ఏకంగా 10 నిమిషాల పాటు వేచి చూశారు. ఆ తర్వాత ఇరువురు నేతలు ఒకే కారులో కలిసి ప్రయాణించారు. ఈ సన్నివేశం చైనా గడ్డపై ఇరు దేశాల మధ్య స్నేహ బంధం ఎంత పటిష్టంగా ఉందో స్పష్టం చేసింది.
ప్రధాని మోదీ రష్యా అధ్యక్షుడు పుతిన్తో లోతైన చర్చలు జరిపి, ఇరు దేశాల మధ్య సహకారాన్ని మరింత పెంపొందించడంపై నొక్కి చెప్పారు. మరోవైపు, చైనా అధ్యక్షుడు షీ జిన్పింగ్తో సమావేశమై వాణిజ్యం, సరిహద్దు సమస్యలు సహా పలు కీలక అంశాలపై చర్చలు జరిపారు.
ఈ ఉన్నత స్థాయి సమావేశాలు భారతదేశం యొక్క ప్రపంచ పాత్రను మరింత బలోపేతం చేశాయని విశ్లేషకులు అభిప్రాయపడుతున్నారు. ప్రధాని మోదీ చైనా పర్యటన భారత్-రష్యా, భారత్-చైనా సంబంధాలకు కొత్త దిశానిర్దేశం చేసిందని చెప్పవచ్చు.
About the Author
