ఢిల్లీ: ప్రధాని నరేంద్ర మోడీ, రష్యా అధ్యక్షుడు వ్లాదిమిర్ పుతిన్ల మధ్య SCO (షాంఘై సహకార సంస్థ) శిఖరాగ్ర సమావేశంలో కీలక ద్వైపాక్షిక చర్చలు జరుగుతున్న సమయంలోనే, భారతదేశంలోని అమెరికా రాయబార కార్యాలయం భారత్-అమెరికా సంబంధాలపై ఒక ప్రత్యేక సందేశాన్ని పోస్ట్ చేసింది. వాషింగ్టన్, న్యూఢిల్లీల మధ్య ‘శాశ్వత స్నేహాన్ని’ ఈ సందేశం నొక్కి చెప్పింది.
టియాంజిన్లో జరుగుతున్న SCO శిఖరాగ్ర సమావేశంలో మోడీ, పుతిన్లు సమావేశమై వివిధ అంశాలపై చర్చలు జరుపుతున్న వేళ, అమెరికా రాయబార కార్యాలయం తమ సోషల్ మీడియా హ్యాండిల్స్లో భారత్తో తమ బలమైన మైత్రిని హైలైట్ చేస్తూ ఒక పోస్ట్ను పంచుకుంది. ఈ సందేశం, అంతర్జాతీయ వేదికపై భారత్కు అమెరికా ఎంత ప్రాధాన్యత ఇస్తుందో తెలియజేసింది.
ఒకవైపు రష్యా అధ్యక్షుడితో మోడీ ద్వైపాక్షిక చర్చలు జరుపుతున్న తరుణంలో, మరోవైపు అమెరికా వైపు నుండి వచ్చిన ఈ సందేశం దౌత్య వర్గాల్లో ఆసక్తిని రేకెత్తించింది. భారత్ తన విదేశాంగ విధానంలో సమతుల్యతను పాటిస్తూ, అన్ని దేశాలతో సంబంధాలను బలోపేతం చేసుకునే ప్రయత్నిస్తున్న ప్రస్తుత తరుణంలో ఈ పరిణామం ప్రాధాన్యతను సంతరించుకుంది. అమెరికా, రష్యా రెండింటితోనూ కీలక భాగస్వామ్యాన్ని కొనసాగిస్తున్న భారత్, ఈ సందేశం ద్వారా తన దౌత్య ప్రాముఖ్యతను మరింత ప్రస్ఫుటం చేసింది.
About the Author
