– సీపీఎం బాబూరావు డిమాండ్
విజయవాడ: విజయవాడ నగరానికి బుడమేరు వల్ల పొంచి ఉన్న ముప్పును శాశ్వతంగా నివారించేందుకు రాష్ట్ర ప్రభుత్వం రూ.10 వేల కోట్లు కేటాయించాలని సీపీఎం రాష్ట్ర కార్యదర్శివర్గ సభ్యుడు చి. బాబూరావు డిమాండ్ చేశారు. సెప్టెంబర్ 1, 2024న బుడమేరు కారణంగా విజయవాడ నగరం అతలాకుతలం అయి ఏడాది గడిచిందని ఆయన గుర్తు చేశారు.
శనివారం అజిత్ సింగ్ నగర్ ఫ్లైఓవర్ వంతెన సమీపంలోని దబాకోట్లు కేంద్రం వద్ద సీపీఎం కార్యకర్తలు నిర్వహించిన నిరసన కార్యక్రమంలో బాబూరావు పాల్గొన్నారు. ఈ సందర్భంగా ఆయన మాట్లాడుతూ, బుడమేరు వల్ల విజయవాడ వాసులు ఏటా ఎదుర్కొంటున్న కష్టాలను ప్రభుత్వం గుర్తించడం లేదని ఆవేదన వ్యక్తం చేశారు. గత ఏడాది జరిగిన నష్టం తీవ్రమైనదని, అయినప్పటికీ ప్రభుత్వం శాశ్వత పరిష్కారాల దిశగా చర్యలు చేపట్టడం లేదని విమర్శించారు.
నగర ప్రజల భద్రతను, ఆస్తి నష్టాన్ని నివారించడానికి తక్షణమే రూ.10 వేల కోట్ల నిధులను కేటాయించి, బుడమేరు ఆధునీకరణ పనులను చేపట్టాలని ఆయన ప్రభుత్వాన్ని డిమాండ్ చేశారు. లేనిపక్షంలో బుడమేరు ముప్పును ఎదుర్కొనేందుకు ప్రజలను సంఘటితం చేసి పెద్ద ఎత్తున ఆందోళన కార్యక్రమాలు నిర్వహిస్తామని హెచ్చరించారు. ఈ నిరసనలో సీపీఎం నాయకులు, కార్యకర్తలు పెద్ద సంఖ్యలో పాల్గొన్నారు.
About the Author
