జమ్మూకశ్మీర్: జమ్మూకశ్మీర్లోని రాజౌరీ జిల్లా నౌషెరా సెక్టార్లో భద్రతా దళాలు, ఉగ్రవాదుల మధ్య భారీ ఎన్కౌంటర్ జరిగింది. దేశంలోకి చొరబడేందుకు యత్నిస్తున్న ఇద్దరు ఉగ్రవాదులను భద్రతా దళాలు మట్టుబెట్టాయి. దీంతో సరిహద్దుల్లో ఉగ్రవాదుల చొరబాటు యత్నాలను భద్రతా దళాలు సమర్థవంతంగా తిప్పికొట్టాయి.
వివరాల్లోకి వెళ్తే, సరిహద్దు నియంత్రణ రేఖ (LoC) వెంబడి నౌషెరా సెక్టార్లోని మంగాల దెవి ప్రాంతంలో అనుమానాస్పద కదలికలను భద్రతా దళాలు గుర్తించాయి. వెంటనే అప్రమత్తమైన సైన్యం గాలింపు చర్యలు చేపట్టింది. ఈ క్రమంలో ఉగ్రవాదులు కాల్పులు జరపగా, భద్రతా దళాలు దీటుగా స్పందించాయి. సుదీర్ఘంగా సాగిన ఎదురుకాల్పుల్లో ఇద్దరు ఉగ్రవాదులు హతమయ్యారు.
మృతిచెందిన ఉగ్రవాదుల్లో ఒకరిని బాగూ ఖాన్గా గుర్తించినట్లు అధికారులు తెలిపారు. ఇతను పాకిస్తాన్ పౌరుడని అనుమానిస్తున్నారు. ఘటనా స్థలం నుంచి భారీగా ఆయుధాలు, మందుగుండు సామగ్రి స్వాధీనం చేసుకున్నారు. సరిహద్దుల్లో శాంతిభద్రతలను కాపాడేందుకు భద్రతా దళాలు నిరంతరం కృషి చేస్తున్నాయని అధికారులు పునరుద్ఘాటించారు. ఈ ఆపరేషన్లో పాల్గొన్న సైనికుల ధైర్యసాహసాలను ఉన్నతాధికారులు అభినందించారు.
About the Author
