వాషింగ్టన్: అమెరికా మాజీ అధ్యక్షుడు డొనాల్డ్ ట్రంప్ సంచలన వ్యాఖ్యలు చేశారు. భారత్, పాకిస్తాన్ మధ్య ఉద్రిక్తతలను తగ్గించేందుకు తాను భారత ప్రధాని నరేంద్ర మోదీపై ఒత్తిడి తెచ్చానని, లేకపోతే భారీ సుంకాలు విధిస్తానని హెచ్చరించానని ఆయన పేర్కొన్నారు.
తాను అధ్యక్షుడిగా ఉన్న సమయంలో, భారత్-పాకిస్తాన్ వివాదం తీవ్రరూపం దాల్చితే, భారత్పై ‘దిమ్మతిరిగే’ (head-spinning) భారీ సుంకాలు విధిస్తానని మోదీకి స్పష్టమైన హెచ్చరికలు జారీ చేశానని ట్రంప్ తెలిపారు.
తన కఠినమైన హెచ్చరికను అనుసరించి, న్యూఢిల్లీ తక్షణమే స్పందించి, పాకిస్తాన్తో ఉద్రిక్తతలను తగ్గించడానికి వేగంగా చర్యలు చేపట్టిందని ట్రంప్ నొక్కి చెప్పారు. తన హెచ్చరిక వల్లే పరిస్థితులు సద్దుమణిగాయని ఆయన చెప్పుకొచ్చారు.
ట్రంప్ చేసిన ఈ వ్యాఖ్యలు అంతర్జాతీయ రాజకీయ వర్గాల్లో, ముఖ్యంగా భారత్లో చర్చనీయాంశంగా మారాయి. ఈ అంశంపై భారత ప్రభుత్వం నుంచి ఎటువంటి అధికారిక స్పందన వెలువడలేదు.
About the Author
