అమరావతి, సెప్టెంబర్ 23: రాష్ట్ర శాసన మండలిలో సోమవారం నాలుగు ముఖ్య ప్రభుత్వ బిల్లులకు ఆమోదం తెలిపారు. ఈ బిల్లులు రవాణా, గిరిజన సంక్షేమం, సామాజిక సంక్షేమం, కార్మిక శాఖలకు సంబంధించినవి.
రవాణా మంత్రి మండిపల్లి రాంప్రసాద్ ప్రవేశపెట్టిన ఆంధ్రప్రదేశ్ మోటారు వాహనాల పన్నుల సవరణ బిల్లు (2025) మొదటిది. గిరిజన సంక్షేమ మంత్రి గుమ్మిడి సంధ్యారాణి ప్రవేశపెట్టిన ఏపీ స్టేట్ కమిషన్ ఫర్ షెడ్యూల్డ్ ట్రైబ్ సవరణ బిల్లు (2025) గిరిజన కమిషన్ నియామక కాలపరిమితిని తొలగిస్తుంది.
సాంఘిక సంక్షేమ మంత్రి డోలా బాలవీరాంజనేయులు తరపున పౌరసరఫరాల శాఖ మంత్రి నాదెండ్ల మనోహర్ ప్రవేశపెట్టిన ఏపీ ప్రివెన్షన్ ఆఫ్ బెగ్గింగ్ అమెండ్మెంట్ బిల్లు (2025) భిక్షాటనకు సంబంధించిన అభ్యంతరకర పదాలను తొలగిస్తుంది.
కార్మిక శాఖ మంత్రి వాసంశెట్టి సుభాష్ ప్రతిపాదించిన ఏపీ షాప్స్ అండ్ ఎస్టాబ్లిష్మెంట్ సవరణ బిల్లు (2025) కార్మికుల పని గంటల పెంపు, మహిళలకు రాత్రి డ్యూటీలకు అవకాశం కల్పిస్తుంది.
ఈ బిల్లులు రాష్ట్ర అభివృద్ధికి మార్గదర్శకాలుగా మారనున్నాయని మంత్రులు అభిప్రాయపడ్డారు. శాసన మండలి సభ్యులు ఏకగ్రీవంగా ఆమోదించారు.
About the Author
